×
ПРЕБАРАЈ
StudentskiOdgovori.com
Сигурно место за истражување на
 прашања поврзани со Бог и Животот

Ако Го имам покането Исус во мојот живот, како да бидам сигурен дека Тој навистина е тука?

Прекрасно е да се слушне дека си Го поканил/а Исус во твојот живот! Кога ти ја донесе таа одлука и Го покани да влезе во твојот живот, важно е да бидеш сигурен/на во врска со ова: Дали Бог те слушна? Да. Прво Јованово 5:14 ни кажува: „И ова е увереноста која ја имаме во Него: дека нè слуша ако бараме нешто според Неговата волја.“ Исус вети дека ако Го поканиш - ќе влезе во твојот живот.

Во Откровение 3:20 Исус вели: „Еве, стојам пред вратата и чукам: ако некој го чуе Мојот глас и ја отвори вратата, ќе влезам кај него.” Дали ти на Бог Му ја отвори вратата на твоето срце? Ако си го направил/а тоа, што Тој рекол дека ќе направи? Дали Бог би те излажал?

Во Јован 6:37, Исус вели: Сè што Ми дава Таткото, ќе дојде кај Мене, а оној кој доаѓа кај Мене нема да го истерам.“ И во Јован 10:27-29 Исус вели: „Моите овци го слушаат Мојот глас. Јас ги познавам, и тие одат помене. Јас им давам вечен живот и никогаш нема да загинат и никој нема да ги отме од Мојата рака. Мојот Татко, Кој ми ги даде, поголем е од сите, и никој не може да г отме од раката на Мојот Татко.“

Исус умре на крстот за нашите гревови, за ние да можеме да бидеме блиски со Него. Нему не му е сеедно. Тој поминал низ многу тешкотии за да нè приведе кон Себеси. Исус на Себе ги зеде нашите гревови и нас нè прекри со Неговата праведност, на тој начин правејќи нè праведни и целосно прифатени од Него. Ние не мораме најприн да живееме добри животи, или да извршуваме некои религиозни обреди, или со години и години да Го преколнуваме и молиме да ни прости и да нè направи блиски со Него. Тој Самиот направи да можеме ние да имаме врска со Него. И ние дојдовме при Него врз основа на она што Тој го направи за нас, а не врз основа на она што ние го правиме за Него. Тој плати за нашите гревови, за да ни прости и да влезе во нашите животи. Прво Петрово 3:18 вели: „Зашто и Христос умре за гревовите еднаш засекогаш. Праведниот за неправедните, за да може да нè доведе кај Бог.“

За твој растеж во врската со Бог:

За подобро да Го запознаеш Бог, поминувај време во читање на Неговиот Збор (Библијата) замолувајќи Го да ти Се открива сè повеќе, и да го зајакнува вашиот однос. Евангелието според Јован (четвртата книга од Новиот Завет) ти го препорачуваме како добро место за почеток.

И слободно обраќај Му се на Господ. Библијата нè охрабрува: „Не грижете се за ништо, туку во сè, преку молитва и благодарност, искажувајте ги своите барања пред Бог! А Божјиот мир, што го надминува секое разбирање, ќе ги штити вашите срца и вашите мисли во Христос Исус.“ (Филипјаните 4:6,7)

Прати ни Email.

Би сакале да те известиме за некои Семинари, проучувања на Библијата на академски начин кои ги организира Студентската организација-Секој Студент. Слободно прати ни email. Од нас ќе примиш само повратен email.