Духовна авантура, пакет - # 5

Здраво!

Во денешната е-пошта... што можеме да дознаеме за Бог?

Еднаш читав една книга, која со право беше наречена „Познавање на Бог“ од Џ. И. Пакер [1]. Tој дава една добра поента.

Колку е посложена материјата, толку е потешко да кажеш дека вистински ја познаваш. Да знаеш песна, книга, рецепт е многу лесно.

Живите битија се уште посложени. Ако имаш куче или маче, најверојатно можеш да предвидиш како би се однесувало во одредено време. Знаеш што сака и што сака ти да сториш.

Да познаваш личност е уште посложено. Луѓето кријат некои од нивните мисли и чувства. Затоа, колку вистински познаваш некого, најмногу зависи од тоа колку сака да ти се открие.

А што е со Бог? Колку добро можеме да го познаваме Бог? Тоа целосно зависи од тоа колку ќе одлучи ни да открие за Самиот Себе, нели?!

И од тоа дали ќе ни дозволи да градиме однос со Него. Сето тоа зависи од Неговата премудрост.

Еве нешто сосем зачудувачки. Бог нè кани да го познаваме, да бидеме целосно прифатени од Него, да почнеме да градиме однос со Него, кој трае вечно.

И да уживаме во блиска интеракција со Него, каде што Тој ќе нè води, ќе нè поучува, ќе нè утешува, и ќе ни дава сила.

Откако го замолив Бог да дојде во мојот живот, се фатив себеси како ја читам Библијата, со желба да дознаам што е можно повеќе за овој Бог кој штотуку го ͈запознав̎.

Она што најмногу ме изненади беа многубројните изјави за Божјата љубов.

Страница по страница, ја согледував искреноста на Неговата љубов. Во изјави какоовие:

„Моите овци го слушаат Мојот глас и Јас ги познавам; и тие одат по Мене, и Јас им давам вечен живот; и никогаш нема да загинат; и никој не ќе ги истргне од раката Моја“.

„Кој ги има заповедите Мои и ги пази, тој е оној што Ме љуби; а кој Ме љуби Мене, возљубен ќе биде од Мојот Отец; и Јас ќе го возљубам, и ќе му се јавам Сам“.

„Како што Ме возљуби Отецот, и Јас ве возљубив вас. Останете во Мојата љубов“.

Возможно ли е да ја знаеш Божјата љубов на овој начин?

Да.

Џ. И. Пакер продолжува, велејќи: „Ние не стануваме пријатели на Бог; Тој станува пријател со нас, дозволувајќи ни да го познаваме, така што ни ја објави Својата љубов“.

Токму тоа го искусувам.... и продолжувам да го искусувам.

Уште неколку извадоци од Пакер, зашто многу добро го објаснува ова:

„Колку Го познавам, зависи од Неговата непрекината инцијатива, Тој да ме познава мене. Ме познава како пријател, како таков кој ме сака; и не постои момент кога Неговите очи ги трга од мене, ниту пак, Неговото внимание го отстранува од мене, ниту пак, постои момент кога Неговата грижа попушта“.

Пакер го кажува ова, токму поради тоа што она што го зборува Библијата е вистина за сите оние кои почнуваат однос со Бог.

И најдобро од сè е што не треба да го заслужиме или да се квалификуваме за таков однос каков што Бог ни нуди, за кој ќе зборувам во оваа серија.

Ќе завршам со Пакер:

„Добивам неверојатно олеснување кога знам дека Неговата љубов кон мене е наполно реална, која, во секој поглед, се темели на тоа дека е однапред свесен за мојата грешност, така што никакво откровение за мене не може да го разочара сега, на начин на кој јас често се разочарувам од самиот себе...“

Ова се темели на она што Бог го објави за Самиот Себе во Библијата:

„Кој не љуби, Тој не го познал Бога, зашто Бог е љубов. Божјата љубов кон нас се покажа во тоа што Бог го испрати во светот Својот Единороден Син за да живееме преку Него.

Во тоа се состои љубовта, не дека ние го возљубивме, туку Бог нас нè возљуби...“

Ова е краток преглед од една страна за сè она што Бог го објави за Својата личност, и што можеме да искусиме кога ќе почнеме да градиме однос со Него.

https://www.studentskiodgovori.com/a/koje109.html

Во следната е-пошта... сакале или не, Исус е најважниот фактор за да градиме однос со Бог. Постојат цврсти реални причини да веруваме. Ќе видите што сакам да кажам.

Повторно ви благодарам што продолживте со оваа серија со мене.

Мерилин Адамсон

Директор на EveryStudent.com

[1] Knowing God by J.I. Packer

Повеќе:
Духовна авантура, пакет - # 1
Духовна авантура, пакет - # 2
Духовна авантура, пакет - # 3
Духовна авантура, пакет - # 4
Духовна авантура, пакет - # 5
Духовна авантура, пакет - # 6
Духовна авантура, пакет - # 7